Денеска градоначалникот на општина Сарај г. Блерим Беџети заедно со претставниците на организацијата 0-Отпад, г.-ѓа. Билјана Костадинова и г. Емир Адеми ги презентираа новите канти за рециклирање на електрична и електронска опрема.
Ги известуваме жителите на нашата општина дека благодарение на овој проект, целиот електричен и електронски отпад од домаќинствата (мобилни телефони, апарати за кафе, лаптопи, компјутери, батерии и сл.) сега може да ги депонираат за тие уреди да се рециклираат и повторно да се стават во употреба.Во сите населени места во нашата општина денеска ќе почнат да се поставуваат големи канти, додека во училиштата ќе се поставуваат корпи за рециклирање батерии.
Општина Сарај е секогаш отворена за вакви соработки кои нудат решенија и имаат за цел зачувување на животната средина.
