Градоначалникот на Општина Сарај Г.Блерим Беџети заедно со Градоначалничка на Град Скопје Г-ѓа Данела Арсовска извршат увид на завршните градежни работи на реконструкција на водоводна мрежа во населено место Бојане и Глумово во општина Сарај.Градежните активности на терен опфатија реконструкција на постојната водоводна мрежа, на која жителите реагираа дека има чести дефекти заради дотраеноста, како и заради незадоволителен профил и материјал на постојниот цевковод.
Со реализацијата на овој инфраструктурен проект се реши долгодишен проблем во овој дел од градот, инвестираме во обезбедување на квалитетни услови за живот во секоја општина, а жителите на ова населено место добиваат поквалитетно водоснабдување и нови приклучоци.
Градот Скопје континуирано работи на подобрување на водоснабдувањето согласно ветените проекти од програмата „За модерно Скопје“, каде што решавањето на проблемите со водоводната мрежа е еден од приоритетите.
