Во рамките на проектот „Еколошко образование на ученици“, кој е во организација на 4 Селект со кој претседава г-ѓа. Бисерка Реџиќ Мухиќ, денеска Градоначалникот на Општина Сарај г.Блерим Беџети направи средба со претставниците на организацијата 0-Отпад, г-ѓа Билјана Костадинова и г. Емир Адем, компанија која се занимава со управување со собирање на електронски отпад, батерии и акумулатори.
Проектот е финансиран од Амбасадата на Република Словачка во Скопје, а иницијативата на организацијата има за цел еколошка едукација на учениците во нашата општина и планира донирање корпи за ситен електронски отпад во сите основни училишта, како и собирање на поголем електронски отпад.Општина Сарај е секогаш отворена за вакви соработки кои освен што помагаат во одржувањето на животната средина, влијаат и на свеста на учениците во основните училишта за важноста на класификацијата на електронскиот отпад.
