🏃🥅🏐Sot në Qendrën Rekreative Sportive në Saraj, u mbajt “Olimpiada Shkollore Saraj 2023”.

Në kuadër të kësaj Olimpiade u realizuan gara në 5 disciplina sportive, edhe ate:Vrapim, Kërcim në nji hap, Hudhja e gjyles, Volejboll, dhe Futboll.

Në bazë të rezultateve të arritura, fitues i Olimpiadës u shpall shkolla fillore komunale ,,Sami Frasheri,, nga vendbanimi Gllumovë me gjithësejt 30 pikë të grumbulluara, me gjithësejt 5 vende të para (pesë medalje të arta), vendi i dytë i takoi shkollës fillore ,,Dituria,, nga Saraji me numër të njejtë të pikëve, pra gjithesejt 30 pikë, me gjithësejt 2 vende të para, 4 vende të dyta dhe 1 vend i tretë, ndërsa vendin e tretë e ndanë shkolla fillore komunale “Drita” nga vendbanimi Rashçe dhe shkolla fillore komunale ,,Bajram Shabani,, nga vendbanimi Kondovë, me numër të njejtë të pikëve, gjithësejt 26 pikë, me nga 2 vende të para, 3 vende të dyta dhe 1 vend të tretë.

Entuziazmi dhe përkushtimi i shfaqur nga nxënësit tanë të rinj të talentuar gjatë gjithë ndeshjeve dhe garave në atletikë ka qenë vërtet mahnitës dhe kanë dëshmuar potencialin e vërtetë që qëndron në shkollat fillore të komunës tone.

Gjithashtu Kryetari z.Blerim Bexheti shprehu mirënjohje edhe për mësuesit dhe stafin e shkollave, të cilët kanë udhëhequr këta nxënës të shquar dhe ju dëshiroj suksese të mëtutjeshme.