Njoftohen banorët e komunës së Sarajit se kohëve të fundit Inspektorati për mbrojtjen e mjedisit jetësor ka hasur në disa persona të papërgjegjshëm të cilët bëjnë ndotjen e ambientit jetësor duke hudhur mbeturina dhe mbetje ndërtimore në hapësirat publike. Mbetjet e hudhura kryesisht transportohen nga qytete dhe komuna tjera.
Njoftojmë të gjithë personat fizik dhe juridik që Komuna e Sarajit konform ligjit dhe rregullores do të vazhdoj me ndëshkimin e të gjithë atyre që ndotin, me masa edhe më rigoroze duke shqiptuar dënime maksimale për të njejtit.
Gjithashtu apelojmë të gjithë ata që kryejnë punime ndërtuese apo prishje të objekteve, që para fillimit të punimeve, paraprakisht konform ligjit të paraqesin punimet në komunën e Sarajit.
