Bazuar në Programin për Aktivitete dhe Ngjarje për vitin 2026 Nr. 0901-41/1 nga 28.01.2026, Vendimin për Shpallje Publike për Financimin e Aktiviteteve Programore të Shoqatave, Fondacioneve, Klubeve Sportive dhe Individëve për vitin 2026 dhe Rregulloren për Mënyrën dhe Procedurën e Ndarjes së Mjeteve Buxhetore Nr. 08-569/1 nga 09.03.2026, Komuna e Sarajit shpall:
THIRRJE PUBLIKE për Financimin e Aktiviteteve Programore për vitin 2026
- OBJEKTI I THIRRJES PUBLIKE
Objekti i kësaj thirrjeje publike është ndarja e burimeve financiare për zbatimin e aktiviteteve dhe projekteve programore me interes publik në nivel lokal, në fushat e mëposhtme:
- sport dhe aktivitete sportive;
- ngjarje dhe festivale kulturore;
- politika dhe aktivitete rinore;
- mbështetje dhe afirmim i talenteve të reja;
- mbrojtje e mjedisit;
- arsim dhe iniciativa lokale me interes publik.
- SHUMA TOTALE E FONDEVE
Ndarja e fondeve është nga Buxheti i Komunës së Sarajit për vitin 2026, në përputhje me Programin për Aktivitete dhe Ngjarje për vitin 2026.
Komuna rezervon të drejtën të mos ndajë të gjitha fondet nëse aplikimet nuk i plotësojnë kriteret.
- PËRFITUESIT E FONDEVE
Të drejtë aplikimi kanë:
- shoqata dhe fondacione të regjistruara në përputhje me ligjin;
- klube sportive të regjistruara në federatat kompetente;
- individë – talente të reja që banojnë në Komunën e Sarajit
Aplikantët duhet:
- të kenë selinë e regjistruar në Komunën e Sarajit (për personat juridikë);
- të kenë vendbanimin në Komunën e Sarajit (për individët);
- të mos kenë detyrime të papaguara ndaj Komunës së Sarajit;
- të mos kenë llogari transaksionale të bllokuar;
- të paraqesin dokumentacion të plotë dhe të saktë;
- KRITERET E VLERËSIMIT
Projekt-propozimet do të vlerësohen sipas kritereve të mëposhtme:
| Kriteret | Pikët maksimale |
| Përputhshmëria me prioritetet e Komunës | 20 |
| Cilësia dhe qartësia e projektit | 20 |
| Afirmimi dhe interesi publik | 20 |
| Realiteti dhe justifikimi i buxhetit | 15 |
| Kapaciteti dhe përvoja e aplikantit | 15 |
| Qëndrueshmëria e aktiviteteve | 10 |
Gjithsej: 100 pikë
Pragu minimal i financimit: 60 pikë.
- METODA E VLERËSIMIT
Vlerësimi kryhet nga një Komision i formuar nga Kryetari i Komunës së Sarajit.
Çdo anëtar i Komisionit kryen vlerësimin individual.
Rezultatet publikohen në faqen e internetit të Komunës.
Aplikantët kanë të drejtë të kundërshtojnë brenda 8 ditëve nga publikimi i rezultateve.
- DOKUMENTACIONI I NEVOJSHËM
Aplikantët (persona juridikë dhe individë) duhet të paraqesin dokumentet e mëposhtme që aplikimi të konsiderohet i plotë dhe i saktë:
– Për shoqatat, fondacionet dhe klubet sportive:
- Kërkesë për mbështetje financiare (formular i standardizuar nga Komuna e Sarajit).
- Propozim i detajuar i projektit, me aktivitete, qëllime dhe rezultate të pritura.
- Struktura/buxheti financiar për projektin.
- Vendimi i regjistrimit i lëshuar nga autoriteti kompetent (jo më i vjetër se 6 muaj).
- Statuti i shoqatës/fondacionit/klubit.
- Raporti mbi fondet e marra më parë nga Komuna e Sarajit (nëse kanë qenë përfitues).
- Deklaratë për mungesë detyrimesh të papaguara ndaj Komunës së Sarajit.
- Deklaratë/konfirmim se llogaria e transaksionit nuk është e bllokuar.
– Për individë (talentë të rinj):
- Kërkesë për mbështetje financiare (formular i standardizuar nga Komuna e Sarajit)
- Propozim i detajuar i projektit ose aktiviteteve për të cilat kërkohet mbështetje
- Ndërtim financiar/kërkesë për fonde
- Dëshmi e adresës së banimit në Komunën e Sarajit
- Dokumente për arritjet dhe talentin (qertifikata, diploma, çmime, mirënjohje)
- Deklaratë/konfirmim se llogaria nuk është e bllokuar
- Deklaratë për mungesë detyrimesh të papaguara ndaj Komunës së Sarajit
- AFATI DHE METODA E DORËZIMIT
Afati i fundit për dorëzimin e aplikimeve është 15 ditë nga data e publikimit.
Aplikimet dorëzohen:
Me postë ose në Arkivin e Komunës së Sarajit
Rruga Sloboda 36, Saraj
me treguesin:
“Thirrje publike për financimin e aktiviteteve programore për vitin 2026”.
Aplikimet e paplota dhe të dorëzuara me kohë nuk do të merren në konsideratë.
- MARRËVESHJA DHE NJOFITIMI
Do të lidhet një kontratë me përfituesit e miratuar.
Përfituesit janë të detyruar të dorëzojnë një raport financiar dhe narrativ brenda 30 ditëve pas përfundimit të projektit.
Në rast të keqpërdorimit të fondeve, përfituesi është i detyruar t’i kthejë fondet brenda 15 ditëve.