Sot me datë 29.05.2024, vazhdoi aktiviteti “Olimpiada Shkollore Saraj 2024” në komunën e Sarajit, në kuadër të së cilës u zhvilluan garat eliminuese në Futboll.
Në këto gara morën pjesë të gjitha shkollat fillore komunale, me ekipet e meshkujve.
Të gjitha ekipet garuese treguan sukses shembullor, por pas 7 lojërave që u zhvilluan ndërmjet ekipeve të nëntë shkollave fillore komunale, në bazë të rezultateve të shënuara, vendi i tretë i takoi ekipit të Shfk “Bajram Shabani” nga vendbanimi Kondovë, ndërsa për në finale u plasuan ekipet e Shfk “Sami Frasheri ” nga vendbanimi Gllumovë dhe Shfk “Dituria” nga vendbanimi Saraj, të cilat pritet të takohen me 08 Qershor 2024, në Qendrën Rekreative Sportive në Saraj.
Dy ekipeve finaliste ju urojmë suksese ne finale.
